11:06 - 11.09.2025

---

11 sentyabr, Fineko/abc.az. 10 sentyabr çərşənbə günü Ukrayna, G7 Extraordinary Revenue Acceleration for Ukraine (ERA) təşəbbüsü çərçivəsində AB-dən 1 milyard avro məbləğində səkkizinci tranş alıb.

ABC.AZ xəbər verir ki, bu barədə Ukrayna Maliyyə Nazirliyinin mətbuat xidməti məlumat yayıb.

ERA təşəbbüsü çərçivəsində Maliyyə Nazirliyi artıq Avropa Birliyindən 10 milyard avro cəlb edib. Qalan vəsaitləri Ukrayna 2025-ci ilin sonuna qədər hissə-hissə alacaq.

ERA Ukraynaya Rusiyanın dondurulmuş aktivlərindən gələcək gəlirlərlə təmin ediləcək 50 milyard dollar göndərilməsini nəzərdə tutur. Aİ-nin yatırımı 18,1 milyard avro (20 milyard dollar) təşkil edir.

Ukraynanın maliyyə naziri Sergey Marchenko qeyd etdi ki, alınan vəsait hesabına "sosial ödənişləri vaxtında təmin etmək, kritik infrastrukturu bərpa etmək və iqtisadiyyatı ən çətin şəraitdə də sabit saxlamaq mümkün olacaq".