17:11 - 4.06.2025
4 iyun, Fineko/abc.az. Yayın yaxınlaşması və havaların istiləşməsi ilə ictimai nəqliyyatda, xüsusilə avtobuslarda kondisionerlərin işləməməsi ilə bağlı çətinliklər yaranır.
ABC.AZ-ın məlumatına görə, sürücülər problemin 1 iyundan etibarən həll olunacağını bildirsələr də, bir çox marşrutlarda vəziyyət hələ də dəyişməyib.
Azərbaycan Yerüstü Nəqliyyat Agentliyinin (AYNA) mətbuat katibi Tural Orucovun sözlərinə görə, daşıyıcılara əvvəlcədən rəsmi qaydada bildirişlər göndərilib və hava şəraitindən asılı olaraq soyutma sistemlərinin işlək vəziyyətdə olması tələb olunub.
