16:18 - 30.04.2025

---

30 aprel, Fineko/abc.az. Ermənistanın baş naziri Nikol Paşinyan bəyan edib ki, İrəvan qonşuları ilə, o cümlədən Gürcüstan və İranla münasibətləri inkişaf etdirmək istəyir.

ABC.AZ xəbər verir ki, Paşinyan balanslaşdırılmış xarici siyasətə sadiq qaldıqlarını bildirib: “Biz xarici siyasətimizi tək bir istiqamətə yönəltmirik, düzgün balanslar qurmağa çalışırıq”.
“Beynəlxalq tərəfdaşlarımızla yaxşı münasibətlər qurmaq istəyirik. Xüsusilə də region ölkələri — Azərbaycan və Türkiyə ilə münasibətləri normallaşdırmaq, Gürcüstan və İranla əlaqələri inkişaf etdirmək niyyətindəyik. Həmçinin Avropa İttifaqı ilə münasibətləri daha da dərinləşdirmək istəyirik”, — deyə o bildirib. Paşinyan viza rejiminin liberallaşdırılması üzrə başlanan prosesin yaxın vaxtlarda yekunlaşacağına ümid etdiyini də vurğulayıb.