15:34 - 27.01.2025

---

27 yanvar, Fineko/abc.az. Yaponiyanın Nissan avtomobil korporasiyası maliyyə göstəricilərinin pisləşməsini dayandırmaq üçün bütün dünyada öz zavodlarında istehsal xətlərini azaltmağı planlaşdırır.

ABC.AZ xəbər verir ki, bu barədə Bloomberg agentliyi şirkətdəki mənbələrə istinadən məlumat verib.

Xərclərin azaldılması proqramı Yaponiyanın özündə və digər ölkələrdə korporasiyanın fabriklərində istehsal xətlərinin bir hissəsinin bağlanmasına səbəb olmalıdır, işçilərin iş növbələrində də azalma gözlənilir. Eyni zamanda, şirkət rəhbərliyi müəyyən fabrikləri tamamilə bağlamaq niyyətində deyil, mövcud istehsalın optimallaşdırılması planının həyata keçirilməsi Nissan-a bu cür ekstremal tədbirlərə əl atmamağa kömək etməlidir.