16:28 - 25.10.2024

---

25 oktyabr, Fineko/abc.az. 2025-ci ildə Moskvada eksperiment keçiriləcək, bunun çərçivəsində Rusiya paytaxtında miqrantlar üçün elektron vəsiqələr tətbiq ediləcək.

ABC.AZ xəbər verir ki, bu barədə Moskva meri Sergey Sobyanin bildirib.

Onun sözlərinə görə, vəsiqədə əcnəbi haqqında tam məlumat olacaq: gəliş tarixi, biometrik məlumatlar, iş yeri və qeydiyyat. Miqrantda sənədin olması məcburi olacaq. Polis əməkdaşları vəsiqələri oxuyuculardan istifadə edərək yoxlayacaqlar.