16:39 - 8.07.2024

---

8 iyul, Fineko/abc.az. “Aqrar İnnovasiya və Təchizat Şirkəti” ASC (gübre.az) 2023-cü il üzrə maliyyə vəziyyətini açıqlayıb.

ABC.AZ xəbər verir ki, ötən il ASC üçün maliyyə baxımından üçün çətin keçib.

Belə ki, 2022-ci ildə 58 min manat xalis mənfəət bitirən şirkət 2023-cü ildə 1 milyon 820 min manat zərər edib.

“Aqrar İnnovasiya və Təchizat Şirkəti”nin 2023-cü ildə 35 milyon 956 min manat əsas əməliyyat gəlirləri olub ki, bu da 2022-ci ilin göstəricisi ilə  nisbətdə 1 milyon 590 min manat və ya  4.6% artım deməkdir.

Satışın maya dəyəri 29 milyon 305 min manat olub ki, bu da son bir il ərzində 2 milyon 360 min manata (8,8%) artım deməkdir.

Bununla belə, ümumi mənfəəti illik 770 min manat, başqa sözlə, 10.4% azalaraq 6 milyon 651 min manat təşkil edib.

İlik müqayisə ilə kommersiya xərcləri 1 milyon 365 min manat (54%) artıb, inzibati xərcləri 305 min manat (6,5%) azalıb, sair əməliyyat xərcləri 67,9 min manat (50,8%) artıb, maliyyə xərcləri 55 min manat (19%) azalıb, gəlirdən çıxılan vergiləri 0,9 min manat (18%) artıb.

“Aqrar İnnovasiya və Təchizat Şirkəti” ASC ötən il 19 milyon 9 min manat cəmi aktivlərə malik olub. Aktivlər son bir il ərzində 4 milyon 292 min manat və ya 18,4% azalıb.