15:08 - 2.05.2024

---

2 may, Fineko/abc.az. Mayın 15-dən Qazaxıstanın aşağıbüdcəli aviaşirkəti “FlyArystan” Aktaudan Bakıya birbaşa uçuşlara başlayır.

ABC.AZ xəbər verir ki, bu barədə şirkətin məlumatında bildirilir.

Məlumata görə, birbaşa reyslər həftədə 3 dəfə – bazar ertəsi, çərşənbə və bazar günləri həyata keçiriləcək.

Heydər Əliyev Beynəlxalq Aeroportundan məlumata görə, hazırda “Azərbaycan Hava Yolları” QSC-də (AZAL) Aktaudan Bakıya həftənin hər günü birbaşa uçuşlar həyata keçirir.