17:20 - 1.05.2024

---

1 may, Fineko/abc.az. Hindistanın kənd təsərrüfatında istifadə olunan pilotsuz uçuş aparatlarına (PUA) tələbatın eksponensial artımını yaxın bir neçə ildə bu cihazların istehsalçıları gözləyir. 

ABC.AZ xəbər verir ki, ölkə hökuməti aqro təsərrüfatların xəritələndirilməsi, qida və pestisidlərin təhlili və tətbiqi kimi kənd təsərrüfatı fəaliyyətləri üçün pilotsuz uçuş aparatlarının təşviqinə ardıcıl olaraq böyük diqqət yetirir. 2023-cü ilin aprel ayında Hindistan kənd təsərrüfatı nazirliyi, düyü, buğda, pambıq və qarğıdalı da daxil olmaqla 10 məhsul üçün pilotsuz təyyarələrlə pestisidlərin istifadəsi üçün standart əməliyyat prosedurlarını (SƏP) yayımlamışdı.

Sənaye qiymətləndirilməsinə görə, hazırda kənd təsərrüfatı sektorunda 3000-ə qədər dron istifadə olunur və 2025-ci ilə qədər onların sayı iki dəfədən çox arta bilər.