11:04 - 6.10.2023

---

6 oktyabr, Fineko/abc.az. Cari ilin ilk yarısı ərzində təkrarsığortanın sığorta haqlarında payı ötən ilin eyni dövrü ilə müqayisədə dəyişməyərək 9.7% olub.

ABC.AZ xəbər verir ki, bu, Mərkəzi Bankın "2023-cü ilin I yarısı üzrə Maliyyə sabitliyi hesabatı"nda qeyd edilib.

Təkrarsığortaya ötürülən məbləğin sığorta haqlarında payının aşağı olmasının əsas drayverləri həm həyat sığorta haqlarının cəmi sığorta haqlarında payının artması, həm də qeyri-həyat sığortası üzrə bazar payı yüksək olan sığorta siniflərinin təkrarsığortaçıya aşağı səviyyədə ötürmə etməsi olub.

Qeyri-həyat sığortası üzrə sığorta haqlarının təqribən 87%-ni əhatə edən 5 sığorta sinifinin risklərinin təkrarsığortaçıya ötürülməsi yüksək deyil.