10:54 - 8.09.2023
8 sentyabr, Fineko/abc.az. Almaniyanın “Volkswagen” şirkəti ən populyar modellərindən biri olan “Golf”da dəyişikliklər edəcəyini açıqlayıb.
ABC.AZ xarici mətbuata istinadən xəbər verir ki, səkkizinci nəsil “Golf” modelləri ilə daxili yanma mühərrikinin dövrü başa çatacaq.
Markanın minik avtomobilləri departamentinin rəhbəri Thomas Schafer, doqquzuncu nəsil “Volkswagen Golf”un tam elektrikli olacağını bildirərək bir ilkin əldə ediləcəyini açıqladı.
“Volkswagen”, “Golf” modellərində daxili yanma mühərrikinə son qoyacaq doqquzuncu nəslin 2028-ci ildə yollarda olmasını planlaşdırdığını bildirir. Avtomobil nəhəngi əlavə edib ki, biz GTI və R versiyalarını tam elektrik dövründə görməyə davam edəcəyik.
