09:25 - 12.07.2023

---

12 iyul, Fineko/abc.az. Neftin etalon markalarının qiyməti ötən sessiyanın nəticələrinə görə artdıqdan sonra çərşənbə günü ticarətdə cüzi yüksəlir.

London İCE Futures birjasında Brent markalı neftin sentyabr fyuçerslərinin qiyməti saat 09:23-də $0,07 (0,09%) artaraq bir barelə $79,47-a çatıb. 11 iyul ticarətinin nəticələrinə görə, Brent markalı neftin sentyabr fyuçersləri $1,71 (2,20%) artaraq bir barelə $79,40-a yüksəldi.

Nyu-York əmtəə birjasının (NYMEX) elektron ticarətində WTI neftinin avqust fyuçerslərinin qiyməti saat 09:23–də $0,07 (0,09%) artaraq bir barelə $74,90-a çatıb. İyulun 11-də keçirilən hərracların nəticələrinə görə, avqust ayı üçün neft fyuçerslərinin qiyməti $1,84 (2,52%) artaraq bir barelə $74,83-a yüksəldi.