11:47 - 21.06.2023

---

21 iyun, Fineko/abc.az. “Tesla”nın baş direktoru İlon Mask Hindistana sərmayə qoymaq niyyətindədir.

ABC.AZ-ın məlumatına görə, o bu niyyətini ABŞ-a səfər etmiş Hindistan baş naziri Narendra Modi ilə görüşündə bildirib.

O qeyd edib ki, adıçəkilən ölkədə inkişafı dəstəkləmək üçün “Tesla” Hindistana əhəmiyyətli sərmayə qoymağı planlaşdırır.

Mask görüşdən sonra jurnalistlərə açıqlamasında bildirib ki, “Tesla”nın Hindistanda filialı ən qısa zamanda açılacaq:

“Məncə, bu, Hindistanla qarşılıqlı əlaqələri yaxşılaşdırmaq üçün əhəmiyyətli bir sərmayə ola bilər. Baş nazirə dəstəyinə görə təşəkkür etmək istəyirəm və ümid edirəm ki, qısa zaman ərzində həyata keçirəcəyimiz yenilikləri elan edə bilərik”.