11:48 - 18.05.2023

---

18 may, Fineko/abc.az. Azərbaycanda dəmir yolu nəqliyyatı ilə 2023-cü ilin yanvar-aprel aylarında 5,9 milyon ton yük, 2077,4 min isə sərnişin daşınıb.

ABC.AZ-ın məlumatına görə, bu Dövlət Statistika Komitəsinin açıqlamasında qeyd edilib. Məlumata görə, 2022-ci ilin eyni dövrü ilə müqayisədə yük daşınmasında 9,4%, sərnişin daşınmasında isə 54,8% artım müşahidə olunub.

“Orta hesabla sutkada 437 vaqon yüklənilib, 417 vaqon isə boşaldılıb, - məlumatda qeyd olunur.

Hesabat dövründə sutka ərzində dəmir yolunun Şimal istiqaməti üzrə 22,2 min ton, Qərb istiqaməti üzrə 3 min ton, Cənub istiqaməti üzrə isə 0,8 min ton yüklənmə işi yerinə yetirilib.