15:28 - 27.02.2023

---

27 fevral, Fineko/abc.az. Xəbər verdiyimiz kimi, ötən il azad edilmiş ərazilərdən ən çox yatırım Zəngilana edilib.

ABC.AZ-ın Dövlət Statistika Komitəsinin məlumatlarına istinadən xəbər verir ki, ötən il Kəlbəcər rayonuna isə 365 milyon vəsait yatırılıb. Bu 2021-ci illə müqayisədə 158 milyon manat və ya 76% artıq deməkdir.

Ağdamda görülən işlərə isə 330 milyon manata yaxın vəsait sərf edilib. 2021-ci illə müaqayisədə bu vəsait 184 milyon manat və ya 2,3 dəfə artıb.

Laçın rayonuna 2022-ci ildə 277 milyon manta kapital qoyulub. 2021-ci illə müqayisədə bu vəsiaitlər 159 milyon manat və ya 2,3 dəfə artıqdır.

Qubadlı rayonunda görülən işlərə təqribən 172 milyon manat vəsait xərclənib. 2021-ci illə müqayisədə 62 milyon manat və ya 56% artıqdır.

Təqribən 170 milyon manat vəsait isə Xocavənd rayonuna yatırılıb, bu əvvəlki illə müqayisədə 73 milyon manat və ya 75% artıqdır.

Ümumilikdə sözügedən rayonlara 3 milyard 889 milyon manat vəsait yatırılıb.