14:28 - 9.01.2023

---

9 yanvar, Fineko/abc.az. 2022-ci il ərzində Maliyyə Nazirliyi dövlət istiqrazlarının yerləşdirilməsi yolu ilə 2 milyard 406 milyon 752 min 818 manat cəlb edib.

Bu, indiyədək dövlət istiqrazları vasitəsilə cəlb edilmiş ən böyük illik məbləğdir.

ABC.AZ Bakı Fond Birjasının statistikasına istinadən xəbər verir ki, 2021-ci illə müqayisədə 2022-ci ildə alınan borc 909 milyon 427 min 682 manat və ya 60,7% artıb.

Qeyd edək ki, Maliyyə Nazirliyi dövlət istiqrazlarının yerləşdirilməsi yolu ilə 2016-cı ildə 421 milyon 490 min 192 manat, 2017-ci ildə 794 milyon 518 min 614 manat, 2018-ci ildə 872 milyon 757 min 966 manat, 2019-cu ildə 659 milyon 8 min 281 manat, 2020-ci ildə 1 milyard 163 milyon 194 min 797 manat, 2021-ci ildə isə 1 milyard 497 milyon 325 min 136 manat cəlb etmişdi.