15:07 - 31.08.2022

---

31 avqust, Fineko/abc.az. Avropa İttifaqına (Aİ) üzv ölkələr Rusiyanın Ukraynaya hücumuna görə ona viza qadağası qoyulması təklifini nəzərdən keçirir.

ABC.AZ xəbər verir ki, buna baxmayaraq təklifin qəbul olunacağı ehtimalı yoxdur.

Aİ-yə sədrlik edən Çexiyanın paytaxtı Praqada keçirilən qeyri-rəsmi görüşün ikinci günündə Aİ ölkələrinin xarici işlər nazirləri bir araya gəlib.

Nazirlərin gündəmində duran əsas məsələlərdən biri Rusiya vətəndaşlarına viza qadağasının tətbiqi təklifidir. Bugünkü iclas qeyri-rəsmi olduğundan rəsmi qərar qəbul edilməyəcək, lakin nazirlərin siyasi qərarlarını açıqlamaları gözlənilir.