12:03 - 29.07.2022

---

29 iyul, Fineko/abc.az. Xəbər verdiyimiz kimi ABŞ Dövlət Departamenti Azərbaycanda ümumi investisiya mühiti inkişaf etməkdə davam etdiyini açıqlayan hesabat yayıb.

ABC.AZ Apa-ya istinadən xəbər verir ki, iqtisadiyyatın pandemiyadan sağalması dövründə neft və qaz sektoru 1,7%, qeyri-neft sektoru isə 7,2% böyüyüb.

Vurğulanıb ki, biznes mühitinin inkişaf etdirilməsi məqsədilə son illərdə həyata keçirilən tədbirlər və iqtisadiyyatdakı ümumi islahatlara lazımsız biznes lisenziyası kateqoriyalarının aradan qaldırılması, populyar olan ASAN xidmətin lisenziyalaşdırma səlahiyyətlərinin artırılması, gömrük prosedurlarının sadələşdirilməsi, müəyyən biznes təftişlərinin dayandırılması və vergi sistemində reformlar daxildir.