15:53 - 10.05.2022

---

10 may, Fineko/abc.az.  “Azərsu” ASC ölkədə ekoloji vəziyyətin yaxşılaşdırılması məsələlərinə xüsusi diqqət yetirir və yaşıllaşdırma tədbirlərinə öz töhfəsini verməkdə davam edir.

ABC.AZ xəbər verir ki, Ümummilli lider Heydər Əliyevin anadan olmasının 99-cu ildönümü münasibətilə “Azərsu” ASC-nin kollektivi “+ 82 Şərq” su anbarının ərazisində ağacəkmə aksiyası keçirib.

Cəmiyyətin İdarə Aparatının və Bakı Sukanal İdarəsinin əməkdaşları tərəfindən mərkəzi su anbarının ərazisində 300-dən artıq şam ağacı əkilib, həmçinin ötən illərdə əkilmiş ağaclara qulluq edilib.