11:08 - 12.04.2018

---

12 aprel, Fineko/abc.az. "Azərbaycan Dəmir Yolları" QSC daxili dəmir yolu şəbəkəsinin inkişafı üçün işləri davam etdirir.

QSC-in sədri Cavid Qurbanov deyib ki, artıq  Qəbələ rayonuna dəmir yolu xətti çəkilməyə başlayıb, Qusar rayonunda dəmir yolu xəttinin çəkilməsi ilə bağlı layihələndirmə işləri aparılır.

“Həmçinin Bakı ətrafında elektrik qatarlarının hərəkət edəcəyi yeni dəmir yolu xəttinin çəkilməsi ilə bağlı da iş aparılır: "Nargilə" kafesi tərəfdən keçməklə Maştağa qəsəbəsinə, Bağlar adlanan əraziyə, Albalıq stansiyasına, eləcə də Zirə qəsəbəsinə qədər qatarlar gedəcək”, - Cavid Qurbanov belə deyib.