15:56 - 17.08.2021
17 avgust, Fineko/abc.az. 2021-ci ilin 7 ayında Azərbaycanla Rusiya arasında ticarət dövriyyəsinin həcmi 1,549 mlrd. ABŞ dolları təşkil edib ki, bu da 2020-ci ilin eyni dövrü ilə müqayisədə 2,3% çoxdur.
ABC.AZ Dövlət Gömrük Komitəsinin hesabatına istinadla xəbər verir ki, 7 ayda Rusiyaya ixracın həcmi 486,550 mln. dollar təşkil edib ki, bu da illik müqayisədə 13% çoxdur. İdxal isə 1,063 mlrd. dollara bərabər olub. Bu göstərici illik ifadədə 1,9% azalıb.
Nəticədə, 2021-ci ilin ilk yeddi ayında 576,373 mln. dollarlıq mənfi ticarət saldosu yaranıb ki, bu göstərici illik müqayisədə 11,7% azalıb.
