“Azəriqaz” fevralda əhali arasında 7,5 mindən çox yeni abunəçini qeydə aldı

16:03 - 13.03.2018

13 mart, Fineko/abc.az. 1 mart tarixinə ARDNŞ-nin “Azəriqaz” İstehsalat Birliyinin abunəçilərinin ümumi sayı 2113,849 min təşkil etmişdir.

“2018-ci ilin fevral ayı ərzində ARDNŞ-nin “Azəriqaz”  İstehsalat Birliyində əhali sektoru üzrə 7 531 yeni abunəçi qeydiyyata alınmışdır ki, bunun da 4 033-ü Bakı, Abşeron və Sumqayıt, 3 498-i isə regionlar üzrədir”, - Azəriqaz məlumatda belə deyilir.