15:34 - 31.03.2021

---

31 mart, Fineko/abc.az. Bu ilin yanvar ayında Türkiyə Azərbaycandan 1 119,23 mln. kubmetr qaz idxal edib.

ABC.AZ xəbər verir ki, bu da ötən ilin müvafiq göstəricisi ilə müqayisədə 18,4% çoxdur.

Bununla da, yanvar ayında Azərbaycan Türkiyənin ümumi qaz idxalında ikinci yerdə qərarlaşıb.

Türkiyə 2020-ci ilin yanvarında Azərbaycandan 945,18 mln. kubmetr qaz idxal edib.

Yanvar ayının yekunlarına əsasən, Türkiyəyə qaz idxalına görə, birinci yeri Rusiya tutub.

Hesabat ayında Rusiyadan Türkiyəyə 2 675,21 mln. kubmetr "mavi yanacaq" ixrac olunub ki, bu da 21% çoxdur.