17:32 - 6.01.2021

---

6 yanvar, Fineko/abc.az. Ötən il Azərbaycan iqtisadiyyatı 4 faizdən bir qədər çox azalıb.

ABC.AZ xəbər verir ki, bunu Prezident İlham Əliyev 2020-ci ilin yekunlarına həsr olunmuş videoformatda müşavirədə bildirib.

Dövlət başçısı qeyd edib ki, qeyri-neft sənayemiz 11 faizdən çox artıb.

"Bundan əlavə, kənd təsərrüfatı, orta aylıq əməkhaqqı və pensiyalar da artıb, Neft Fondunun vəsaiti azalmayıb, əksinə, o da artıb. Bununla da Azərbaycan öz valyuta ehtiyatlarını qoruyub. İlin sonunda, dekabrın 31-də Cənub Qaz Dəhlizi, onun son seqmenti olan TAP tam istismara verilib. Tarixdə ilk dəfə olaraq Azərbaycan qazı artıq Avropa məkanındadır. Bu, bizim tarixi nailiyyətimizdir" deyə İ. Əliyev vurğulayıb.