10:20 - 23.09.2020
23 sentyabr, Fineko/abc.az. "Tesla" və "SpaceX" şirkətlərinin banisi İlon Mask üç il sonra şirkətin 25 min ABŞ dolları məbləğində pilotsuz avtomobillər istehsal edəcəyini söz verib.
ABC.AZ-ın məlumatına görə, İ. Mask Kaliforniyada səhmdarlarla görüşdə belə deyib.
O qeyd edib ki, əminik ki, üç il sonra həqiqətən də 25 min ABŞ dollarına tamamilə pilotsuz olacaq cazibədar avtomobili yarada biləcəyik.
Yeni avtomobil "Tesla"nın hazırda istehsal etdiyi "Model 3"-dən 12 min ABŞ dolları ucuz olacaq. Qeyd edək ki, hazırda "Model 3"-ün qiyməti 37 990 ABŞ dollarıdır. ABŞ-ın "Tesla Motors" şirkətinin əsası 2003-cü ildə elektrik avtomobillərin və texnologiyaların istehsalçısı kimi qoyulub.
Müəllif: Elmir Murad
