12:28 - 26.10.2026

---

26 oktyabr, Fineko/abc.az. “Forum-Hüquq Mərkəzi” İctimai Birliyi maliyyə hesabatlarını təqdim etmədiyinə görə Maliyyə Nazirliyinin tərtib etdiyi protokol əsasında Yasamal Rayon Məhkəməsi tərəfindən 1 500 manat məbləğində cərimələnib.

Təşkilatın nümayəndəsi 2020-ci ildən fəaliyyətlərini 5 illik dayandırdıqlarını, hesabat öhdəliklərinin olmadığını və nazirlik tərəfindən rəsmi xəbərdarlıq almadıqlarını iddia edərək Bakı Apellyasiya Məhkəməsinə müraciət edib.

Lakin apellyasiya instansiyası şikayəti əsassız hesab edərək birinci instansiya məhkəməsinin qərarını qüvvədə saxlayıb.