11:18 - 30.09.2026

---

30 sentyabr, Fineko/abc.az. ABD Konqresi 230 ildən çoxdur tədavüldə olan 1 sentlik metal pulların buraxılışının rəsmən dayandırılmasını nəzərdə tutan qanun layihəsini təsdiqləyib. Senatdan keçən sənəd təsdiq olunması üçün Prezident Donald Trampa təqdim edilib.

ABD Zərbxanası (US Mint) artıq 2025-ci ilin noyabrında tədavül üçün sonuncu 1 sentliyi vurduğunu və istehsalı dayandırdığını açıqlamışdı.

Qərarın əsas səbəbləri kimi 1 sentlik sikkəyə tələbatın qalmaması və istehsal xərclərinin kəskin artması göstərilir. Son 10 ildə 1 sentin hazırlanma xərci 1,42 sentdən 3,69 sentə yüksəlib. Qanunun qüvvəyə minməsi ilə ABD-nin illik təxminən 56 milyon dollar qənaət edəcəyi gözlənilir.