09:26 - 25.09.2026

---

25 Sentyabr, Fineko/abc.az. "Azərbaycan Banklar Assosiasiyası" (ABA) İctimai Birliyi ödəniş kartları və elektron pul hesablarının sayına tətbiq olunan risk əsaslı yanaşma ilə bağlı açıqlama yayıb.

Açıqlamaya əsasən, əməkhaqqı, pensiya, sosial müavinət, sahibkarlıq və depozit hesablarına bağlı kartlar istisna olmaqla, hər bir bankda bir məhsul üzrə yalnız bir ödəniş kartının verilməsi nəzərdə tutulur.

 Bununla belə, müştəri kartın istifadə məqsədi barədə əsaslandırılmış izahat təqdim etdikdə və əməliyyatların qanunauyğunluğuna əminlik yarandıqda banklar əlavə kartların verilməsini sərbəst təmin edə bilərlər. ABA-dan bildirilib ki, qərarın əsas məqsədi vətəndaşların ehtiyaclarını məhdudlaşdırmaq deyil, təhlükəsiz və dayanıqlı ödəniş ekosistemini formalaşdırmaqdır.