12:29 - 28.09.2026

---

28 sentyabr, Fineko/abc.az. Azərbaycanda 2026-cı ilin avqust ayının sonuna sürətli pul köçürmə sistemləri vasitəsilə həm ölkəyə daxilolan, həm də ölkədən kənara edilən köçürmələrin həcmində azalma qeydə alınıb.

Azərbaycan Mərkəzi Bankının rəsmi göstəricilərinə əsasən, 2026-cı ilin avqust ayında sürətli pul köçürmə sistemləri vasitəsilə banklara 221.2 min ədəd əməliyyatla 133.1 milyon manat vəsait daxil olub.

Bu göstərici iyul ayı ilə müqayisədə 115.5 milyon manat və ya 46.5 faiz azdır. Müqayisə üçün qeyd edək ki, iyul ayında ölkəyə 277.4 min ədəd əməliyyatla 248.6 milyon manat daxil olmuşdu. İllik müqayisədə də geriləmə müşahidə olunub.