10:02 - 16.09.2026

---

16 Sentyabr, Fineko/abc.az. Qızılın qiyməti investorların ABŞ Federal Ehtiyat Sisteminin (FED) faiz qərarına köklənməsi fonunda çərşənbə günü nisbətən sabit qalıb. Bazardakı gözləntilərə əsasən, FED-in bu gün faiz dərəcəsini ən azı 25 baz bəndi artırmaq ehtimalı 92.4 faiz olaraq qiymətləndirilir.

Birjalarda spot qızılın bir unsiyasının qiyməti 0.1 faiz geriləyərək 4 288.48 dollar (7 290.42 AZN) təşkil edib. Dekabr fyuçersləri də 0.1 faiz azalaraq 4 328.10 dollara düşüb. Digər qiymətli metallardan gümüş 63.67 dollar/unsiya səviyyəsində sabit qalıb, platin 0.3 faiz ucuzlaşaraq 1 770.47 dollara enib, palladıum isə 1 faiz bahalaşaraq 1 301.61 dollara yüksəlib.

Təhlilçilərin fikrincə, güclü dollar və 100 dollardan baha satılan neft qiymətləri qızıla təzyiq göstərməkdə davam edir. Eyni zamanda Yaxın Şərqdə artan hərbi-siyasi gərginlik və ABŞ-dakı maliyyə riski narahatlıqları qızılın daha kəskin ucuzlaşmasının qarşısını alan əsas amillər kimi çıxış edir.