15:30 - 11.09.2026

---

11 Sentyabr, Fineko/abc.az. Hidrogen Şurasının yayımladığı "Global Hydrogen Compass 2026" raporuna əsasən, dünyada təmiz hidrogen sektoruna öhdəlik götürülmüş investisiyaların həcmi 130 milyard dollara çatıb.

Ümumi öhdəlik gücü illik 6,9 milyon tona yüksəlib və bu həcmə çatmaq üçün 570-dən çox layihə həyata keçirilir.

Layihələrin təxminən 90%-i artıq tikinti və ya istismar mərhələsindədir. Hesabatda qeyd olunur ki, investisiyaların 60%-dən çoxu enerji təhlükəsizliyi, karbonsuzlaşma və sənaye artımına yönəlib. Təmiz hidrogen istehsalı idxaldan asılı ölkələrin təchizat zəncirini şaxələndirməyə, kritik mineral asılılığını azaltmağa və bərpa olunan enerjinin elektrik şəbəkələrinə inteqrasiyasını sürətləndirməyə imkan verir.