09:57 - 10.09.2026

---

10 Sentyabr, Fineko/abc.az. Dünya xammal bazarlarında keçirilən hərracların yekunlarına əsasən, "Azeri Light" markalı Azərbaycan neftinin bir barelinin qiyməti 5,14 ABŞ dolları və ya 4,75% artaraq 113,32 ABŞ dolları səviyyəsində qərarlaşıb.

Qlobal neft bazarında müşahidə olunan bu bahalaşma beynəlxalq bazarlarda enerji daşıyıcılarına tələbatın artması və təklif dinamikasındakı dəyişikliklərlə şərtlənir.

Xatırladaq ki, Azərbaycan Respublikasının 2026-cı il dövlət büdcəsində neftin bir barelinin orta qiyməti 65 ABŞ dolları həddində nəzərdə tutulub.