15:01 - 2.09.2026

---

2 Sentyabr, Fineko/abc.az. Moskvanın Taqanski rayon məhkəməsi Rusiya qanunvericiliyinin tələblərini pozduqlarına görə "Google", "Telegram" və "Pinterest Europe Limited" texnologiya giqantlarına qarşı inzibati cərimələr tətbiq edib.

Məhkəmənin qərarına əsasən:

• "Telegram" Rusiya Federasiyası ərazisində yayılması qadağan edilən məlumatları silmədiyinə görə 11.4 milyon rubl (təxminən 130 min dollar) məbləğində cərimələnib.
• "Google" analoji maddə üzrə hüquqpozmaya görə 7.6 milyon rubl (təxminən 87 min dollar) cərimə olunub.
• "Pinterest Europe Limited" şirkətinə isə sosial şəbəkə sahibinin öhdəliklərini icra etmədiyi, o cümlədən qeyri-ənənəvi dəyərləri təbliğ edən məlumatları yaydığı və qadağan olunmuş kontenti vaxtında silmədiyi üçün 10.8 milyon rubl (təxminən 123 min dollar) məbləğində inzibati cərimə kəsilib.