10:11 - 3.08.2026
3 avqust, Fineko/abc.az. ABŞ Prezidenti Donald Trampın İran ilə danışıqlar fonunda hərbi zərbələri təxirə salması və neftin ucuzlaşması qiymətli metallar bazarına müsbət təsir göstərib.
Neft qiymətlərinin düşməsi inflyasiya və faiz artımı gözləntilərini azaldaraq qızılın bahalaşmasına şərait yaradıb.
Spot qızılın qiyməti 0,4% artaraq bir unsiya üçün 4 055,76 dollara, ABŞ-da fyuçers müqavilələri isə 0,9% yüksələrək 4 054 dollara çatıb. Yaponiya rəsmilərinin yenə müdaxiləsindən sonra dolların zəifləməsi də qızılı xarici alıcılar üçün daha cəlbedici edib.
Digər qiymətli metallardan gümüş 58,13 dollara (+0,9%), platin 1 649,35 dollara (+0,5%), paladium isə 1 294,92 dollara (+1,7%) qalxıb.
