16:29 - 23.07.2026

---

23 iyul, Fineko/abc.az. Avropa Komissiyası Rəqəmsal Bazarlar Haqqında Qanunun (DMA) iki müxtəlif sahədə pozulmasına görə "Google" şirkətinə ümumilikdə 890 milyon avro cərimə kəsib.

Aİ-nin qərarına əsasən, cərimənin 460 milyon avrosu axtarış nəticələrində şirkətin öz xidmətlərini üstün tutmasına, 430 milyon avrosu isə "Google Play"də tətbiq tərtibatçılarının istifadəçiləri alternativ satınalma kanallarına yönləndirməsinə mane olduğuna görə verilib.

Şirkətə qanunsuz təcrübələrə son qoymaq üçün 60 gün vaxt verilib, əks halda "Google" gündəlik qlobal dövriyyəsinin 5%-dək əlavə cərimələrlə üzləşə bilər.