10:10 - 24.06.2026

---

24 iyun, Fineko/abc.az. ABŞ Federal Ehtiyat Sisteminin (Fed) faiz dərəcələrini artıracağı barədə gözləntilərin güclənməsi, dolların son bir ilin ən yüksək həddinə çatması və ABŞ-İran danışıqlarındakı qeyri-müəyyənlik fonunda qızılın qiyməti son iki həftənin minimum səviyyəsinə geriləyib.

ABC.AZ xəbər verir ki, birjalarda spot qızılın bir unsiyasının qiyməti 1% ucuzlaşaraq 4 067,51 dollara düşüb. Nyu-Yorkun "COMEX" birjasında avqust fyuçersləri isə 1,6% azalaraq 4 083,90 dollar təşkil edib.

Qiymətli metalların ucuzlaşmasına səbəb "CME FedWatch" analitikasında investorların builki faiz artımı gözləntisini 1-dən 3-ə qaldırması və ABŞ-İsrail koalisiyasının fevralda İrana qarşı başlatdığı hərbi əməliyyatlardan bəri qızılın ümumilikdə 23% dəyər itirməsidir. İndi bazarların diqqəti Fed-in əsas inflyasiya indikatoru sayılan və cümə axşamı açıqlanacaq fərdi istehlak xərcləri (PCE) göstəricilərinə yönəlib.

Digər qiymətli metalların birja göstəriciləri:

Gümüş: Spot gümüşün unsiyası 0,9% azalaraq 61,44 dollar;

Platin: Qiyməti 0,8% itki ilə 1 638 dollar;

Palladium: 0,8% geriləmə ilə 1 227,41 dollar olub.