12:02 - 11.06.2026

---

11 iyun, Fineko/abc.az. Misin qiymətləri ABŞ və İran arasında gərginliyin artması fonunda son üç həftənin minimumuna enib və bu, qlobal iqtisadiyyatla bağlı narahatlıqları gücləndirib.

ABC.AZ xəbər verir ki, London Metal Birjasında kotirovkalar təxminən ton üçün 13 400 dollara qədər geriləyib, eyni zamanda digər sənaye metalları da təzyiq altında qalıb.

Enişin əlavə səbəbləri kimi neft qiymətlərinin artması və inflyasiyanın sürətlənməsi göstərilir ki, bu da yüksək faiz dərəcələrinin daha uzun müddət saxlanmasına gətirib çıxara bilər. Bu isə misə olan tələbin əsasını təşkil edən investisiya və sənaye aktivliyini məhdudlaşdırır.

Mənfi təsir Çindəki vəziyyətlə də güclənir: metalın ən iri istehlakçısı olan bu ölkədə şirkətlər bazar dəyişkənliyi və mövsümi işgüzar aktivliyin zəifləməsi fonunda alışları azaldır.