10:35 - 22.05.2026
22 may, Fineko/abc.az. Çinin Lenovo şirkəti 2025/26 maliyyə ilinin dördüncü rübü üzrə güclü maliyyə nəticələri açıqlayıb. Fərdi kompüterlərə, serverlərə və süni intellekt həllərinə tələbin artması şirkətin gəlir və mənfəətini xeyli yüksəltməyə imkan verib.
ABC.AZ xəbər verir ki, Lenovo Group maliyyə ilinin dördüncü rübü üzrə hesabatını dərc edib. Hesabata əsasən, şirkətin üç ay ərzində gəliri 21,6 milyard dollara çatıb. Bu, ötən ilin eyni dövrü ilə müqayisədə 27% çoxdur. Nəticə bazar gözləntilərini üstələyib və kompüter texnikası ilə korporativ infrastruktur üzrə qlobal tələbin bərpa olunduğunu təsdiqləyib.
Şirkətin korrektə edilmiş xalis mənfəəti 559 milyon dollar təşkil edib. Bu göstərici ötən illə müqayisədə iki dəfədən çox artıb. Bir səhmə düşən baza mənfəət 3,59 dollar artaraq 4,32 dollara çatıb. Hesabat dövründə Lenovonun ümumi marjası 16,4% olub.
Maliyyə ilinin yekunlarına görə, şirkətin gəliri 20% artaraq 83,1 milyard dollara çatıb. İllik korrektə edilmiş xalis mənfəət isə 42% artaraq 2 milyard dollara yüksəlib.
