17:26 - 18.05.2026

---

18 may, Fineko/abc.az. 26 may tarixindən etibarən Bakı ilə Tbilisi arasında gündəlik sərnişin qatar əlaqəsi altı illik fasilədən sonra bərpa olunacaq.

ABC.AZ yerli və Gürcü mətbuatına istinadən xəbər verir ki, bu barədə Gürcüstan Hökuməti Administrasiyası məlumat yayıb.

Qərar Gürcüstan Baş naziri İrakli Kobaxidze ilə Azərbaycan Prezidenti İlham Əliyevin görüşü nəticəsində qəbul edilib.

Görüş zamanı tərəflər strateji tərəfdaşlığı və əməkdaşlığın genişləndirilməsi perspektivlərini müzakirə ediblər.

Danışıqların nəticəsi olaraq ikitərəfli koordinasiya Şurasının protokolu imzalanıb. Sənəd xüsusilə Bakı - Tbilisi - Qars yeni dəmir yolu hissəsinin tam istifadəyə verilməsini nəzərdə tutur, lakin onun istifadəyə verilmə tarixi ayrıca qeyd olunmayıb.