09:23 - 27.04.2026

---

27 aprel, Fineko/abc.az. Bazar ertəsi keçirilən hərraclarda etalon markaların qiyməti artır.

Bakı vaxtı ilə saat 09:15-ə olan məlumata görə, "ICE Futures Europe" birjasında "Brent" neftinin iyun fyuçerslərinin dəyəri 1,84 dollar (1,75%) artaraq bir barel üçün 107,17 dollar təşkil edib. Aprelin 24-də keçirilən hərracların yekununda bu müqavilənin qiyməti 0,26 dollar (0,25%) artaraq 105,33 dollar olmuşdu.

Saat 09:15-ə qədər Nyu-York Əmtəə Birjasında (NYMEX) "WTI" neftinin iyun fyuçersləri 1,57 dollar (1,66%) bahalaşaraq bir barel üçün 95,97 dollara çatıb. Aprelin 24-də keçirilən hərracların nəticələrinə görə, bu müqavilə 1,45 dollar (1,51%) ucuzlaşaraq 94,40 dollar təşkil etmişdi.

Yaxın Şərqdə davam edən geosiyasi risklər bazara dəstək verib. Belə ki, ABŞ və İran arasında danışıqlar nəticəsiz olaraq qalmaqdadır, Hörmüz boğazından gəmilərin keçməsi isə məhdud olaraq qalır, bu da qlobal neft tədarükünün azalması ehtimalını artırır və qiymətlərin qalxmasına təsir edir.

Ötən həftə Brent markalı neft 16,5%, WTI isə 14,3% bahalaşıb.