11:10 - 24.02.2026

---

24 fevral, Fineko/abc.az. Beynəlxalq Taxıl Şurası (IGC) fevral hesabatında dünya taxıl istehsalı proqnozunu 2,460 milyard ton (-1 mln) səviyyəsinə endirib.

ABC.AZ xəbər verir ki, bu çərçivədə buğda üzrə proqnoz 841,7 mln ton (-0,3 mln), qarğıdalı istehsalı isə 1,313 milyard ton (+0,5 mln) təşkil edir.

Rusiya: taxıl istehsalı 126,8 mln ton (+0,3 mln), buğda — 87,6 mln ton. Taxılın ixracı 51,1 mln tona endirilib, buğdanın ixracı isə 44,4 mln tona yüksəldilib.

AB: taxıl istehsalı 288,7 mln ton, buğda — 143,4 mln ton səviyyəsinə endirilib. Taxıl ixracı 44,5 mln tona yüksəldilib, buğda ixracı — 31,3 mln ton.

Qazaxıstan: taxıl istehsalı — 24,4 mln ton, buğda — 19,1 mln ton. Taxıl ixracı 12,2 mln tona endirilib, buğda ixracı isə 10,3 mln ton səviyyəsinə çatdırılıb.

Ukrayna: taxıl istehsalı — 63 mln ton, buğda — 26 mln ton. Taxıl ixracı 38,8 mln tona, buğda ixracı — 14 mln tona endirilib. Qarğıdalı istehsalı 30,5 mln ton, ixracı — 22,5 mln ton.