15:23 - 29.01.2026
29 yanvar, Fineko/abc.az. Oktyabr–dekabr aylarında Almaniyanın ən iri bankı olan Deutsche Bank-ın xalis mənfəəti 1,3 milyard avro təşkil edib, bu, keçən ilin eyni dövründəki 106 milyon avro ilə müqayisədə xeyli artımdır və analitiklərin konsensus proqnozu olan 1,12 milyard avrodan yüksəkdir. Vergi öncəsi mənfəət rekord səviyyəyə – 2,03 milyard avroya çatıb.
ABC.AZ xəbər verir ki, bankın gəlirləri 7% artaraq 7,73 milyard avroya yüksəlib, xalis faiz gəlirləri 4,27 milyard, xalis komissiya gəlirləri isə 2,81 milyard avro olub. İnvestisiya-bank əməliyyatlarından gəlirlər 5% artaraq 2,51 milyard avroya çatıb, aktivlərin idarə olunmasından gəlirlər isə 888 milyon avro (+25%) təşkil edib. Korporativ müştərilərlə işləyən bölmələrin gəlirləri 2% azalarkən, yüksək gəlirli fiziki şəxslərlə işləyən bölmələrin gəlirləri 3% artıb.
Mümkün kredit zərərləri üçün ayırmalar 395 milyon avroya düşüb, CET1 kapital kifayətliliyi göstəricisi 14,2% təşkil edib. Bankın rəhbərliyi keçən il üçün səhmdarlara 1,9 milyard avro həcmində dividend tövsiyə etməyi və əlavə 1 milyard avro həcmində səhmlərin geri alınmasını planlaşdı
