16:21 - 28.01.2026
28 yanvar, Fineko/abc.az. Shell və British Petroleum (BP) ABŞ hökumətinə Venesuelada, Trinidad və Tobaqo yaxınlığında böyük dəniz qaz yataqlarının işlənməsi üçün icazə istəyiblər.
ABC.AZ xəbər verir ki, Shell Loran-Manatee yatağı üçün müraciət edib, onun ehtiyatları təxminən 10 trln kub fut qaz təşkil edir, əksəriyyəti Venesuela sularındadır. BP isə Cocuina-Manakin yatağı üçün lisenziya istəyir; bu yatağın bir hissəsi Plataforma Deltana layihəsi ilə bağlıdır (1 trln kub fut qaz).
Trinidad, Latın Amerikasında ən iri LNG ixracatçısı olaraq, yeni qaz mənbələrinə ehtiyac duyur. Həmçinin planlaşdırılır ki, Dragon yatağında qaz hasilatı 2027-ci ilin dördüncü rübündə gündə 350 mln kub fut həcmlə başlasın və ölkənin Karib enerji bazarındakı mövqelərini gücləndirsin.
