17:00 - 24.12.2025

---

24 dekabr, Fineko/abc.az. 2025-ci ilin yekunlarına görə, Ukrayna təxminən 6 milyard kubmetr təbii qaz idxal edir.

ABC.AZ xəbər verir ki, bunu Naftogaz-ın kommersiya direktoru Sergey Fedorenko bildirib.

Onun sözlərinə görə, şirkət bu satınalmaları təmin etmək üçün kifayət qədər kredit vəsaiti toplaya bilib və o, artıq "2026-cı ilin birinci rübünə hazırlaşır". Bu dövrdə, xüsusən də 300 milyon kubmetr həcmində Amerika mayeləşdirilmiş təbii qazının (LNG) tədarükü razılaşdırılıb.

Sergey Fedorenko həmçinin bildirib ki, 2025-ci ildə ABŞ Ukraynaya 600 milyon kubmetr LNG tədarük edəcək.