10:52 - 30.10.2025

---

30 oktyabr, Fineko/abc.az. Azərbaycanda neft emalı zavodu 2025-ci ilin ikinci və üçüncü rübləri ərzində ümumi  həcmi 13.8 min ton olan Aİ-95 premium benzini istehsal edib. Rəsmi göstəricilərə görə istehsal edilmiş bu benzinin az hissəsi satışa çıxarılır.

ABC.AZ xəbər verir ki, istehsal həcmi ikinci rüb ərzində 8.8 min ton idi.

2024-cü ildən sözügedən benzinin istehsalı ilə bağlı məlumatlar yer alsa da, statistik olaraq məlumat yerləşdirilməmişdi.

Azərbaycanda bu benzin SOCAR-ın Heydər Əliyev adına Neft Emalı Zavodunda istehsal edilir. İstehsala təqribən 2022-ci ildə başlandığı bildirilsə də, üç il ərzində bu məhsuldan istehsal edilməyib.

Müəllif: Elmir Muradov