11:37 - 22.10.2025

---

22 oktyabr, Fineko/abc.az. Azərbaycan Mərkəzi Bankı (AMB) gələn il dünya bazarında neftin 1 barelinin orta qiymətinin 64 dollar olacağını gözləyir.

ABC.AZ xəbər verir ki, bunu AMB-nin sədri Taleh Kazımov faiz dəhlizinin parametrləri ilə bağlı qərarına həsr olunmuş mətbuat konfransında bildirib.

T.Kazımov gələn il üçün təbii qazın qiyməti ilə bağlı Mərkəzi Bankın proqnozlarını da açıqlayıb.

O bildirib ki, Mərkəzi Bank gələn il təbii qazın 1 000 kubmetrinin orta qiymətinin 288 ABŞ dolları olacağını proqnozlaşdırır.

Müəllif: Elmir Muradov