09:21 - 19.09.2025

---

19 sentyabr, Fineko/abc.az. Etalon markaların qiyməti cümə günü ticarətdə azalmağa davam edir.

Brent markalı neftin noyabr fyuçersləri ICE Futures birjasında saat 09:16-a olan məlumata əsasən $0,08 (0,12%) azalaraq bir barel üçün $67,36-a düşüb. Sentyabrın 18 – də keçirilən hərracların nəticələrinə görə, Brent neftinin noyabr fyuçersləri $0,51 (0,75%) azalaraq bir barel üçün $67,44-a enib.

NYMEX əmtəə birjasının ticarətində WTI neftinin oktyabr fyuçersləri saat 09:16-a olan məlumata əsasən $0,14 (0,22%), bir barel üçün $63,43-a düşüb. 18 sentyabr ticarətinin nəticələrinə görə, WTI neftinin oktyabr fyuçersləri $0,48 (0,75%) ucuzlaşaraq bir barel üçün $63,57-a düşüb.