11:40 - 26.08.2025

---

26 avqust, Fineko/abc.az. 2025-ci ilin yanvar-iyul aylarında ölkədən 30,6 milyon dollar dəyərində 43 min tondan çox şəkər ixrac edilib.

ABC.AZ xəbər verir ki, Dövlət Gömrük Komitəsinin hesabatına əsasən, 2024-cü ilin müvafiq dövrünün göstəriciləri ilə müqayisədə ixracın dəyəri 55,14 faiz və ya 10,8 milyon dollar, həcmi isə 66,58 faiz və ya 10,8 min ton artıb.

Cari ilin ilk 7 ayı ərzində şəkərin ümumi ixracda xüsusi çəkisi 0,20 faizə, qeyri-neft məhsullarının ixracında çəkisi isə 1,46 faizə bərabər olub.