10:49 - 9.07.2025

---

9 iyul, Fineko/abc.az. 2025-ci ilin iyulun 1-nə İpoteka və Kredit Zəmanət Fondunun aktivlərinin həcmi 4.2 milyard manat olub.

ABC.AZ xəbər verir ki, bunu Fondun baş meneceri Rasim Abdullayev media nümayəndələri ilə görüşdə bildirib.

O qeyd edib ki, sözügedən dövrə Fonduh məcmu kapitalı isə 1.28 milyard manat təşkil edib:

"Fond fəaliyyət dövrü ərzində (2005-ci ildən) bütün illəri mənfəətlə başa vurub, bu günə cəmi mənfəəti 172.1 milyon manat təşkil edib. Dövriyyədə olan istiqrazların həcmi 2 milyard 382 milyon manatdır. 2009-cu ildən bu günə qədər 982.6 milyon manatdan çox istiqrazlar üzrə öhdəliklər yerinə yetirilib, Fond tərəfindən istiqraz sahiblərinə 312.8 milyon manat məbləğində faiz ödənişləri həyata keçirilib”.

Müəllif: Elmir Murad