10:54 - 5.06.2025

---

5 iyun, Fineko/abc.az. Bakıda fəaliyyət göstərən bir sıra taksi şirkətləri son illərdə sərnişinlər və sürücülər tərəfindən müxtəlif səbəblərlə bağlı tənqid və şikayətlərin hədəfinə çevrilib.

ABC.AZ-ın araşdırmasına görə, bu şikayətlər əsasən sürücülərin davranışı, xidmət keyfiyyəti, qiymət siyasəti və təhlükəsizlik məsələləri ilə əlaqədardır.

Ən çox şikayət olunan taksi şirkətləri və əsas səbəblər

1. Bolt

Sürücü davranışı və təhlükəsizlik:  Nağdsız ödənişlərlə bağlı problemlər: Sürücülərin kartla ödənişləri qəbul etməkdən imtina etməsi və ya bu səbəbdən müştəriləri yolda düşürmələri halları müşahidə olunur. 

Sürücü seçimi və yoxlamaların olmaması: Sürücülərin tibbi müayinədən keçmədən və ya sürücülük vəsiqəsi olmadan işə qəbul edilməsi, həmçinin yolları tanımamaları və naviqatorun yanlış göstərməsi səbəbindən ünvanlara gecikmələri və ya səhv getmələri kimi hallar qeyd olunur. 

2. Uber

Sürücü davranışı və təhlükəsizlik: "Uber" sürücüləri də "Bolt" sürücüləri kimi qeyri-etik davranışlar və narkotik vasitələrin təsiri altında avtomobil idarə etmə halları ilə bağlı şikayətlərin mərkəzindədirlər. 

3. Yango

Sürücü seçimi və yoxlamaların olmaması: "Yango" taksi şirkətinin sürücülərinin də tibbi müayinədən keçmədən və ya sürücülük vəsiqəsi olmadan işə qəbul edilməsi halları müşahidə olunur. 

4. Ənənəvi yerli taksi şirkətləri

*Salam Taksi (9933): Müştərilər sifarişlərin qəbul edildikdən sonra ləğv edilməsi, sürücülərin gecikməsi və ya ümumiyyətlə gəlməməsi, avtomobillərin səliqəsizliyi və sürücülərin intizamsızlığı kimi məsələlərdən şikayət edirlər.

**Ailə Taksi (*8555), Taksafon (*2223), Ekonom (*9111), City Taksi (8844), Ulduz Taksi (5000): Bu şirkətlərlə bağlı şikayətlər əsasən yüksək qiymətlər, sürücülərin gecikməsi və ya sifarişi qəbul etdikdən sonra ləğv etməsi, sürücülərin kobud davranışı və avtomobillərdə sərnişinlərin zövqünə uyğun olmayan musiqilərin səsləndirilməsi ilə bağlıdır.

Müəllif: Elmir Murad