09:50 - 17.12.2024
17 dekabr, Fineko/abc.az. Aİİ ölkələri aqrosənaye kompleksində əməkdaşlıq sahəsində uzunmüddətli mexanizmlərdən istifadə etməyi planlaşdırır, kollektiv ərzaq təhlükəsizliyi haqqında müqavilə bağlaya bilərlər.
ABC.AZ xəbər verir ki, bu barədə Rusiyanın Baş naziri Mixail Mişustin bildirib.
"Kollektiv ərzaq təhlükəsizliyi haqqında ayrıca beynəlxalq müqavilənin bağlanması təşəbbüsü də müzakirə olunur. Bu, yalnız son məhsulların tədarükü məsələlərini əhatə etməməli, həm də ölkələrimizin damazlıq və Toxum Fondunun birgə inkişafına imkan verməlidir", — deyə o bildirib.
Mişustin aqrosənaye sektorunun Aİİ çərçivəsində əməkdaşlığın ən dinamik inkişaf edən istiqamətlərindən biri olduğunu vurğulayıb.
